Թթուդրիկ /պատմում է Աննա Հայրոյանը/

 Նոյեմբերի  7-ին՝ ժամը 10:30  Նոր դպրոցի նախակրթարանում   ծնողական   ակումբի  երկրորդ  պարապմունքն էր: Հավաքվել  էին 2-4 տարեկանները, ծնողները, տատիկները, պապիկները: Ուրախ տրամադրություն, բոլոր ծնողները պատրաստված եկել էին թթու դնելու. է’լ բանջարեղեն, է’լ թասիկներ, է’լ դույլեր,,,

Չէին մոռացել նույնիսկ աղը, բայց մոռացել էին մի բան, կարո՞ղ եք գուշակել…Իհարկե, եթե կարդաք այս պատումը, որ պատմել  է Լուսեի հայրիկը. << Ընկերոջս հայրիկը թթու շատ է սիրում: Ընկերս էլ միշտ կատակով նրան ասում է՝ երբ էս աշխարհից հեռանաս, թթվի քար եմ դնելու >>:

Գուշակեցի՞ք , դե իհարկե, մոռացել էինք քարը:

Թելը՝ խաղալիք

Երկար –կարճ, երկրաչափական պատկերներ:

Թելը  որպես այլընտրանք:

• Խմբասենյակում  գույնզգույն թելեր կային, բայց Մարկը և Դավիթը  սկսեցին դեղին թելի համար կռվել: ,,Դեղին թելեր շատ կան..-, համոզել չի ստացվում: Մարկը լաց է լինում, իսկ Դավիթը թելը քաշում է: Դեղին թելը երկար էր: Առաջարկեցի բաժանել երկու հավասար մասի, բայց  չհամաձայնեցին: Հենց այդ   դեղին թելն են ուզում: Գիտե՞ք՝  ի՞նչ արեցինք: Մարկի սիրած խաղալիքը կապեցինք թելի մի ծայրից, մյուս ծայրից էլ Դավթի փոքր մեքենան կապեցինք: Հետո երկուսով,  թելի ծայրերը բռնած, սկսեցին  խաղալ, վազվզել: Ալենը և Հրաչը   թելով  ավտոմեքենաներ  նկարեցին, Արսինեն շնիկ պատկերեց: Արսենը թելը միջնամատին փաթաթեց, հետո քանդեց: Սամվելն էլ թելով պտտվեց, պտտվեց և խճճվեց:

Դաստիարակ՝ Աննա Հայրոյան

Լոշիկ ենք թխում /պատմում է դաստիարակ Աննա Հայրոյանը/

Արարատի մարզի  Մրգանուշ գյուղ  կատարած ուսումնահայրենագիտական ճամփորդության  մասին 

Հիկտեմբերի 30, անձրևոտ  օր: Հիմա օրը կբացվի, անձրևը կկտրվի, բայց եթե նույնիսկ ամբողջ օրն էլ գա, միևնույն է, կա ուրախ տրամադրություն, հոգու  ջերմություն,  անձրև է էլի,  թող գա …

Ծնողական ակումբի մեկնարկ /պատմում է դաստիարակ Աննա Հայրոյանը/

Հոկտեմբերի 17-ին` ժամը10:30, Նոր դպրոցի նախակրթարանում  2015-2016 ուստարվա  առաջին ծնողական հանդիպումն էր:Երբ ծնողներին ներկայացնում էի ծնողական ակումբի ստեղծման անհրաժեշտությունը,  Անահիտի տատիկը կատակեց.

— Փաստորեն ոչ միայն երեխաներին եք կրթում, դաստիարակում , այլ նաև ծնողներին, շատ լավ է:

Ներկայացնեմ ծնողական ակումբի արձագանքները /հեռախոսազանգեր, նամակներ/

— Շնորհակալություն, այդ ինչ հետաքրքիր ծնողական ժողով էիք կազմակերպել:

-Սա է իսկական կրթական հաստատությունը   Դավիթի մայրիկ` Մարիամ/

-Այսօր աշխատանքի վայրում  ծնողական ակումբի մասին էի պատմում, այդ ինչ լավ էր, հիացած եմ, լսողներնլ էլ` զարմացած :/Գագիկի մայրիկ` Հասմիկ/

«Անկախության տոն. Բարձունքի հաղթահարում» ուսումնական նախագիծը 5 տարեկանների նախապատրաստական դասարանում

Հեղինակ՝ Անահիտ Հարությունյան

«Մխիթար Սեբաստացի» կրթահամալիրում դպրոցի մուտքը 5 տարեկանների նախապատրաստական դասարանով է սկսվում: 5 տարեկանները, որպես կրթահամալիրի ամենակրտսեր սաներ, ովքեր արդեն անցել են կրթահամալիրի 2-4  տարեկանների խնամքի ու զարգացման ծրագիրը, շարունակում են զարգանալ ու սովորել՝ պահպանելով խաղի, հանգստի, սննդի լիակատար իրավունքը: 5 տարեկանները մասնակցում են կրտսեր դպրոցի ուսումնական օրացույցով որոշված ուսումնական նախագծերին, ճամփորդում են, լողում ու դեռ յուրաքանչյուր ամիս էլ հանդես են գալիս հաշվետու նախագծերով՝ արձանագրելով ու ներկայացնելով  յուրաքանչյուր ամսվա ընթացքում ձեռք բերած կարողություններն ու հմտությունները:

5 տարեկանները, ինչպես իրենց ավագ ընկերները, սիրում են ճամփորդել, անգամ՝ բարձունք հաղթահարել: Առաջին հայացքից կարող է թվալ, որ դեռ փոքր են, կարող են դժվարություններ ունենալ: Սակայն, հարկավոր է ընտրել իրենց համար հաղթահարելի բարձունք ու նախապես պլանավորել ու կազմակերպել ճամփորդությունը:

Ծնողական ակումբ: Մի քանի դիտարկում: /Մարիետ Սիմոնյան/

Շաբաթ օրը ներկա եղա դաստիարակներ Աննա Հայրոյանի, Նելի Արղությանի, Ամալյա Բաբիչի կազմակերպած ծնողական ակումբին: Կեցցեք, աղջկներ: Լավ են նախապատրաստվել: Շաբաթ օրով հավաքվել են նախակրթարանի ծնողներ: Նախօրոք ներկայացված են սեմինարի թեմաները: Ջերմ, լավ մթնոլորտ է, արևոտ ու գունեղ խմբասենյակ: Քննարկում են… Երեխայի վախերը… Ինչի՞ց են վախենում, ի՞նչ փորձ ունեն ծնողները, կարևորո՞ւմ են այդ վախերի հաղթահարումը, թե՞ ավելի են խորացնում՝ գայլը, չար կախարդը, ,,մեշոկ պապին,, դարձնելով երեխային սաստելու միջոցներ: